काठमाडौं । भू पू कल्याणकारी संघ एस एफ एफ का तर्फबाट एक वार्ता टोलीले भारतीय राजदूतावासमा वरिष्ठ कर्मचारीसँग भेटघाट गरेको छ । डि सी एमको कार्यालयमा भएको भेटघाटमा पेन्सन माग सम्बन्धमा छलफल भएको संघले जनाएको छ ।
सो छलफलबाट पेन्सनका बारेमा कुनै जवाफ नआएको बताउँदै संघका अध्यक्ष रामबहादुर कार्कीले भने । वार्ताबाट कुनै निष्कर्ष आएन । मौखिक जवाफ आश्वासन मात्र भयो । यसैलै दुई महिनाको समय दिँदै संघले आज भारत सरकारलाई सम्बोधन गर्दे यहाँस्थित भारतीय दूतावासमा एक पत्र बुझाएको छ । पत्र समावेश गरिएको छ ।
वार्ताटोली अध्यक्षमा राम बहादुर कार्की वार्ता संयोजकमा नरेन्द्र सिग्देल र गण्डकी अाचलका सभापति भीम बहादुर बाटाजु लगायत प्रेम बहादुर थापा कृष्ण बहादुर श्रेष्ठ र गंगा प्रसाद श्रेष्ठ रहनुभएको थियो । पेन्सनको कुनै पहल नभएका निर्णायक आन्दोलनमा उत्रिने बताउँदै संघका वार्ता टोलीले यसो भन्छन् ।
वार्ता टोलीका अध्यक्ष रामबहादुर कार्की - बैठकबाट पेन्सनका लागि कुनै पहल गरिएको कुरा उठेन । यसै कारण पनि हामीले फेरि केही समय सिमा तोकेर भारत सरकारका नाममा पत्र बुझाएका हौं । यो समयभित्र अब पनि कुनै पहल नगरिएकामा हाम्रो अन्तिम बाटो नै आन्दोलन हो ।
वार्ता संयोजक नरेन्द्र सिग्देल - पेन्सनको लिखित फैसला नभएसम्म हाम्रो आन्दोलन जारी रहनेछ । मौखिक जवाफ र सधै सकारात्मक रहेको उतरले केही हुँदैन । अहिले पनि हाम्रो माग सम्बन्धमा सकारात्मक भएको दूतावासले बताएको छ तर यसको प्रतिकि्रया लिखित चाहन्छौ ।
गण्डकी अाचलका सभापति भीम बहादुर बाटाजु - भू पू सैनिकले पेन्सन पहलका लागि आमरण अनशन र धर्ना लगायत निकै आन्दोलन गरिसकेका छौं । यद्धपी सम्बन्धित निकायले आलटाल गरेको र कुनै पहल गरेको छैन । यही भएकोले यो निर्णायक आन्दोलनका लागि पनि हामी तयारी छौ । नियमावली संशोधन गरेर हाम्रो पेन्सन माग पुर्ति गरियोस् । हामी चाहन्छौ की अहिले बुझाएको पत्र नै अन्तिम बनोस् ।